მსოფლიოს ფეხბურთის ბრაზილიელი ლეგენდა პელე თანამემამულე რინალდინიოს "გრემიოში" გადაბარგებასა და ამ კლუბში უფასოდ თამაშს ურჩევს. შეგახსენებთ, რომ 30 წლის ნახევარმცველმა თავისი კარიერა სწორედ "გრემიოში" დაიწყო, საიდანაც 9 წლის წინ პსჟ-ში გადავიდა. "თუ რონალდინიოს მართლა უყვარს "გრემიო", მაშინ იქ უფასოდ უნდა ითამაშოს. ცხოვრება ხომ უკვე აიწყო?! 1974 წელს "სანტოსს" სერიოზული ფინანსური პრობლემები ჰქონდა და იქ მე სრულიად უფასოდ ვთამაშობდი".
"მილანიდან" "გრემიოში" რონალდინიოს ტრანსფერი ოფიციალურად ჯერ კიდევ არ განხორციელებულა, რისი მიზეზიც ფინანსური საკითხების მოუგვარებლობაა.
